fbpx
,

Dálvemánnu 2025 (davvisámegillii) 

Jaa

Dál lea fas Dálvemánu áigi! Dálvemánnu čohkke oktii sámeartisttaid ja kultuvrra dahkiid viiddes davviguovllus. 

Abstrakti värikäs digitaalinen taidekuvaus sinisellä ja punaisella.

Mii fállat dáhpáhusaid, dáidaga ja fierpmádagaid sihke sámiide ja váldoálbmogii. Dehálamos beaivi lea dieđusge sámi álbmotbeaivi, guovvamánu 6. beaivi. Dáhpáhusaid leat ollásuhttimin Oulu kulturfoandda lassin min ovttasbargoguoimmit. Dán jagi mii leat erenomážit jurddašan mánáid ja nuoraid prográmma plánedettiin.  

Prográmma 2025 

Animašuvdna Rieban ja njoammil gádjuba vuovddi, Ealligovvateáhter Star (Kalliotie 6) 6.2. dii. 14. 
Dálvemánnu álgá dán jagi sotnabeaivve, guovvamánu 2. beaivve. Dalle dii. 14 ealligovvateáhter Staris, Oulus, čájehit Rieban ja njoammil gádjuba vuovddi -animašuvnna, mii lea dubbejuvvon davvisámegillii. Filbma heive buotahkásaččaide, ja dat lea tekstejuvvon davvisámegillii. Bileahtat leat vuovdimis Staris ja sin neahttasiidduin 3 € haddái.  

Mádjit, iešheanalaš ja guolgás unna ealláš, lea hui rámis iežas bargguin: Máilmmi stuora buođuin. Guokte roahtu leaba su veahkehan buođđut joga. Ja de álget ártegis dáhpáhusat vuovddis: Skuolfi jávká, roahtut rigerejit ja buohkat ballet ahte dulvi billista elliid biejuid. Rieban ja njoammil ferteba gávdnat skuolffi ja gádjut sin ruovttuid! 

Lintulampi skuvlla oahppiid dáiddačájáhus, Oulu2026 Showroom (Torikatu 18), 4.–9.2.  
Álbmotbeaivahkus lea Oulus oaidnin láhkai Lintulampi skuvlla oahppiid dáiddačájáhus, mas teman leat muohtačálmmit. Čájáhus boahtá Oulu2026 Showroom-čoahkkinlatnjii, ja dáiddabarggut leat buohkaid oaidnimis dalle go fitnodatguovddáš Toriportti lea rabas. 

Duorastaga 6.2., sámi álbmotbeaivve, leat dáhpáhusat sihke Oulus ja Kajaanis.  

Sierračielggademiid báddejuvvon almmuhandilálašvuohta, Valvesali (Hallituskatu 7, Oulu), 6.2. dii. 12–16  
Mii čájehit Valvesalis Sámiid duohtavuohta- ja soabadankomišuvnna guovtti sierračielggadeami almmuhandilálašvuođa, mii lea báddejuvvon Anáris 5.2. Veli-Pekka Lehtola lea dutkan Suoma stáhta sámepolitihka iehčanasvuođa áigodagas, ja Juha Guttorm fas dan, manin sápmelaččaid sajádaga nannema vuostálastigohte sámeguovllus 1990-logu álggogeahčen. Dilálašvuohta lea suomagillii. 

Lassedieđut dilálašvuođa prográmmas leat boahtimin duohtavuohta- ja soabadankomišuvnna siidduide www.sdtsk.fi, ja mii beaividit dieđuid maiddái dán artihkkalii. 

Dáiddárat ovdanbuktet Kue’tt-dáiddabarggu Maja-čájáhusas, Oulu dáiddamusea (Kasarmintie 9, Oulu), 6.2. dii. 17 
Oulu dáiddamuseas lágiduvvo Maja-čájáhussii oahpistuvvon tuvra dii. 17. Dáiddárat Tuuli Malla ja Erja Taskinen muitaleaba sudno ja Tero Harju Kue’tt-dáiddabarggus. Bileahtat museai mákset 7–10 €, sierra almmuheami ii dárbbaš. Loga lasi dáhpahuskaleandaris: https://tapahtumat.munoulu.fi/fi-FI/page/6788c094431d6a440957f870?source_widget_id=641d949b7a9a76582d0e082d 

Sálbmakonsearta sámegillii, Oulu duopmogirku (Kirkkokatu 3 A), 6.2. dii. 18 
Diibmu 18 fas ordnejuvvo Oulu duopmogirkus konsearta. Wimme lávlu sámegielat sálmmaid árbevirolaš veaisidanvugiin ja Tapani Rinne čuojaha bassoklarinehta. Konsearttas gullat maiddái Wimme & Rinne -duo iežas musihka ja árbevirolaš juigosiid. Konseartta maŋŋá lea gáffedilálašvuohta searvegoddeguovddáš Sofia (Isokatu 17, 2. geardi) stuorra sáles. Sápmelaččat girkus -fidnu prošeaktakordináhtor Mari Valjakka muitala fidnu dearvvuođaid. Goappáge dáhpáhussii lea nuvttá sisabeassan. 

Sámi álbmotbeaivvi ávvudeapmi Máttut-čájáhusa ráhpándilálašvuođas, Kainuun museo (Asemakatu 4, Kajaani), 6.2. dii. 16–18 
Kajaanis, Kainuun museos, ávvudit sámi álbmotbeaivvi Máttut – Juuret -čájáhusa rahpandilálašvuođas 6.2.2025 dii. 16–18. Eahkeda áigge museas gáfestallet, duojár ja duodjeoahpaheaddji Inka Guttorm muitala sámeduojis ja oassálastit sáhttet maiddái ieža binnáš iskat duddjoma.  

Máttut lea govvačájáhus, mas galledeaddji beassá oahpásmuvvat Suoma sámiid eallimii 1900-logu álggu rájes jahkečuođi beallemuddui. Čájáhusa govat bohtet Sámemusea Siidda čoakkáldagain. Dáhpáhusa lágideaddjin leat Oulu2026 lassin Kainuun museo, Kajaanin taidemuseo ja Kaukametsän opisto. Almmuheamit Kaukametsän opisto bokte: https://uusi.opistopalvelut.fi/kaukametsa/fi/course/9444 

Disco mánáide & Sámefeasta, Kulttuurilaboratorio (Pikisaarentie 15, Oulu), 8.2., mánáid disco dii. 14–17. Sámefeasta dii. 18–02  
Lávvardaga 8.2. mánát ja nuorat besset vel suohtastallat Kulttuurilaboratorios Oulu Pikisaaris. Dii. 14 rahpasit uvssat mánáid discoi, gos lávddi ala lávke vuos DJ Polaria dii. 15 ja de rap-artista Yungmiqu sullii dii. 16. Dilálašvuođas lea maiddái biŋgo. Disco nohká diibmu 17. Sisabeassan lea nuvttá, ja mii fállat dánsuide sávtta. Dan lassin Oulu universitehta sámegielaid ja sámiId kultuvrra studeantasearvi Gieku vuovdá smávva herskuid. Cokka gávtti, mááccuh dahje määccaǩ dahje eará vuogas biktasiid ja boađe dánsut! 

Dii. 18–02 seammá báikkis ávvudit fas badjel 18-jahkásaččat Gieku lágidan Sámefeasttas. Musihkas vástideaba maiddái eahkeda áigge DJ Polaria ja Yungmiqu. Bileahtaid sáhttá oastit Giekus, haddi lea ovddalgihtii 7 € ja uvssas 10 €. Lassedieđut sihke doaluin ja bileahtavuovdimis oažžu Gieku Instagram-kontos: https://www.instagram.com/giekurs/ Sámefestii sisabeassan lea Mallassauna bokte. 

Lue myös