Odne, 6.2., ávvudit fas sámi álbmotbeaivvi. Leat vássán jo 108 jagi sámiid vuosttaš čoahkkimis, mii dollojuvvui Troandimis, Norgga bealde 6.2.1917. Dieid jagiid áigge sápmelaččat leat illudan ja moraštan, fuolastuvvan ja lihkostuvvan. Ieš lean dál erenomáš ilus das, go lean fas oaidnán hui buriid ođđa diehtogálduid sámiid birra. Dán Risku-raportas juogán moatte liŋkka ja muitalan oanehaččat álbmotbeaivahku dáhpáhusaid birra.
Rauhankasvatusliitto Instagramis lea jođus sámi historjjá mánotbadji. Sii almmustahttet juohke árgabeaivve ovtta dieđu dahje bargobihtá sámiid birra. Sin neahttasiidduin gánneha maiddái fitnat: Puuttuvat tarinat -oahppomateriálii https://rauhankasvatus.fi/puuttuvat-tarinat/ gullet bargobihtát sihke sámiid ja románaid birra.
Háliidatgo čállit sávaldagaid sámegillii? Suoma sámedikki siidduin gávnnat dábálamos frásaid ávvudanbeivviid várás davvisáme-, anáraš- ja nuortalašgillii: https://samediggi.fi/vastuualueet/saamen-kielet/tervehdyksia-saamen-kielilla/
Sámi álbmotluođi, Sámi eatnan duoddariid, sáhtát fas oahpahallat rohtestit YouTube-video bokte Elin Kåveniin: https://youtu.be/U2EUka4vF2c?si=87S2aKMHUUkNc0eC
Mun Oulu čálii golggotmánus 2024 mu barggu ja Oulu guovllu sápmelaččaid birra: https://www.munoulu.fi/kulttuuri/saamelaisuudesta-tiedetaan-oulussakin-yha-turhan-vahan-oulu2026-nostaa-esiin-rikasta-elavaa-ja-rajatonta-saamelaiskulttuuria Artihkkála loahpas leat maiddái liŋkkat eará diehtogálduide, jus háliidat oahpat lasi.
Amma leat maiddái fuomášan Oulu gávpoga ođđa neahttasiiddu, gosa čohkkejit dieđuid dilálašvuođain, main sámi álbmotbeaivvi sáhttá Oulus ávvudit? https://www.ouka.fi/villa-victor/saamelaisten-kansallispaiva-62
De vel tipssat ávvudeaddjiide Oulu2026-guovllus
6.2. dii 12–16 Valvesalis striima Sámiid duohtavuohta- ja soabadankomišuvnna sierračielggademiid ievttá almmuhandilálašvuođas
6.2. dii 16–18 Kainuun museos, Kajaanis, čájáhusa ráhpan ja duodjibargobádji
6.2. dii. 17 Oulu dáiddamuseas dáiddárat Tuuli Malla ja Erja Taskinen muitaleaba Kue’tt-dáiddabarggu birra
6.2. dii 18 Oulu duopmogirkus Wimme ja Tapani Rinne
8.2. dii. 14–17 Kulttuurilaboratorios, Oulus, mánáid discos DJ Polaria ja Yungmiqu
8.2. dii. 18–02 Sámefeasta Kulttuurilaboratorios, Oulus, Yungmiqu ja DJ Polaria
Loga lasi min Dálvemánnu-artihkkális dáppe: https://oulu2026.eu/dalvemannu-2025-davvisamegillii/
Doaivvu mielde oaidnalit dáhpáhusain!
Aino Valovirta
Koordinaattori, saamelaiskulttuuri
Oulu2026
