Oulu2026-klubbaeahkedis davvi kultuvrrat ja ođđa sohkabuolvva jienat bohtet oktii. Dilálašvuohta lea oassi Oulu2026 Eurohpá kulturoaivegávpotjagi prográmma ja kulturdálkádatnuppástusa.
Sámi artista, musihkkár ja neavttir Emil Kárlsen (SÁ/NO) lea šaddan oktan davviguovllu miellagiddevaččamus jienain. Iežas musihkas son ovttastahttá luđiid, elektrovnnalaš jietnaduovdagiid ja muitalusaid. Kárlsen, Omasvuonas eret, hábme iežas jietnadujiin oktavuođa árbevieru ja dálááiggi gaskii ja duddjo váikkuheaddji vásáhusaid mat muitalit kultuvrras, identitehtas ja davvi eallinbirrasis.
Kárlsen lea dovddus iežas váikkuheaddji ja intensiiva konsearttaid dihte, main davvisámegiella, muitalusat ja duovdagat ealáskit musihka bokte. Son lea bargan musihkkárin, muhto maiddái neavttárin earret eará Beaivváš Sámi našunálateáhteris ja Disney+-ráiddus Guovžža vuoššan. Oulus su sáhtii oaidnit bivnnuhin šaddan Ovllá-opera váldorollas álgojagi.
Eahkeda nubbi artistan lea DJ Hulluella. Son lea DJ, artista ja buvttadeaddji, Roavvenjárggas eret, ja son buktá lávddi ala nana davvi energiija. Hulluella eklektalaš ja erenomáš válljemat hábmejit planetára jietnaduovdagiid, main son suddada oktii perkussiiva bassomáilmmi, UK garage-, breaks-, tekno- ja hardgroove-musihka iežas mixed bag -stiillain.
DJ Hulluella lea vildadan olbmuid dánsut sihke Suoma bealde ja olgoriikkaid klubbain ja festiválain, dego Kivipainos, Provinssis, Frozen People -festiválain, Riddu Riđđus, Romssa Arctic Prides ja legendára skearrogávppis Planet Waxis Londonis. Son lea maiddái okta roavvenjárgalaš Sula Kollektiiva vuođđudeaddjiin ovttas Yajukain ja Hellahighheatiin.
Bileahtat ovddalgihtii 14,90€ / uvssas 19,90€: Oulu2026-klubi: Emil Kárlsen & DJ Hulluella – Tarkastamo
