Mij lep kulttuur -ohjelmuuccâm
Niävduseh ovtâstiteh – toovâ taid tuottân!
Uuccâm lii áávus 2.9.2024–31.8.2025.
Oulu lii Euroop kulttuuruáivikaavpug ive 2026, já tun puávtáh leđe ton uási!
Ohjelmuuccâm lii nuuhâm. Tun puávtáh uuccâđ vala fáárun tábáhtuskalenderân 17.11.2025 rääjist. Oro uássin Oulu2026 Euroop kulttuuruáivikaavpugive!
Mij lep kulttuur -ohjelmuuccâm kuálmád já majemuš uuccâmrieggee lâi ávusin 1.5.–31.8.2025. Meriääigi räi pottii ohtsis 1020 ucâmuššâd, main uccum čuosâttâhtorjui summe ohtsis lâi 5 434 000 eurod. Luuvâ lase tiäđáttâsâst (suomâkielân)
Veik torjuuh iä innig lah jyehimnáál, tun puávtáh ain leđe uássin kulttuuruáivikaavpugive maaŋgâ jieškote-uv náálá feerejeijen já tahhen.
Jis tust láá koččâmušah, vääldi ohtâvuođâ
Uusâ mieldi tábáhtuskalenderân
Tun puávtáh iävtuttiđ jieijâd tábáhtus tábáhtuskalenderân já nuuvt šoddâđ mieldi uássin virgálii kulttuurohjelm.
Uđđâ uuccâmmáhđulâšvuotâ lekkâs 17.11.2025, já ucâmušâid kietâdâleh mánuppajasávt. Occee lasseet tuhhiittum tábáhtus Oulu2026-tábáhtuskalenderân. Uuccâm tábáhtuskalenderân lii ávusin 30.9.2026 räi.
Tábáhtus kalga tevdiđ čuávuvijd iävtuid:
- Tábáhtus lii eromâšávt ihán 2026 vuávájum
- Tábáhtus lii áávus aalmugân (tot máksá tâi lii mávsuttem)
- Occee västid tábáhtus olášutmist já viestâdmist
- Tábáhtus olášuvá Oulu2026-kuávlust
- Tábáhtus olášuttoo sosiaallávt já ekologlávt kilelis vuovvijn
Árvuštâllâmkriteereh
- Árvuštâlmist kiddejeh huámmášume tábáhtus uđâsvuotâáárvun. Tun puávtáh uuccâđ meid tááláá tábáhtusâin, mast miinii uđđâšijd lii valdum huámmášumán, tegu uđđâ olmoošjuávhuh, sajeh, siskáldâsah tâi olášuttemvyehi.
- Maht tábáhtusâst olášuteh kulttuuršoŋŋâdâhnubástus? Tun puávtáh smiettâđ, maid kulttuuršoŋŋâdâhnubástus uáivild tunjin.Maggaar nubástus tun háputtâlah tábáhtusâinâd?
Uccâmluámáttuv kalga tevdiđ Rimbert-vuáháduvâst.
Ávudop Euroop kulttuuruáivikaavpugive oovtâst
Oulu2026 – Euroop kulttuuruáivikaavpug kulá mijjân puohháid.
Juhloop já suonjârdop kulttuuruáivikaavpugive – ráhtup almoon oovtâst!
Vääldi anon Oulu2026-logo!
Oulu2026-logo kevttim lii loválâš ij-kávpálii kiävtust puoh Oulu2026-kuávlu ässeid já tuáimeid. Meiddei finnoduvah pyehtih anneeđ Oulu2026-logo ävkkin ij-kávpálii ohtâvuođâin, ovdâmerkkân finnodâhtábáhtusâin, nettisiijđoin, sosiaallii mediast tâi toimâsojijnis.
Ama huámášah, ete logo ij uážu pieijâđ puohtuu tâi palvâlus fastâ uássin (ovdâmerkkân paakâst tâi puovtâkuvviimist) kávpálii kiävtu sopâmušttáá.
Luođii uánihis ravvuu logo ij-kávpálii kiävtun tääbbin (suomâkielân).
Tun puávtáh uásálistiđ maaŋgâ eres-uv vuovijgijn:
Uáppáásm tábáhtuskalenderân já kaavnâ oovtâstpargomáhđulâšvuođâid
Távjá koijâdum koččâmušah
Mij lep kulttuur -ohjelmuuccâm 2.9.2024–31.8.2025
Kii puáhtá uuccâđ?
Occen pyehtih leđe seervih, vuáđudâsah, ovtâskâs ulmuuh, pargojuávhuh, almolâš tuáimeeh já irâttâsah (vuáitu háputtâlhánnáá toimâmân).
Puáhtá-uv vyeliahasâš iävtuttiđ ohjelm tâi uuccâđ čuosâttâhtorjuu?
Ohjelmiävtuttâs já čuosâttâhtoorjâucâmuš puáhtá toohâđ vyeliahasâš, mutâ ohtâvuođâolmožin já siämmást meiddei toimâm ovdâsvástádâsolmožin kalga nomâttiđ olesahasii ulmuu.
Maht Oulu2026-kulttuurohjelmân occoo mield?
Ohjelmân occoo šleđgâlii Rimbert-vuáháduv peht. Puávtáh uuccâđ vuáháduv peht meid čuosâttâhtorjuu tuu iävtuttem ohjelm olášutmân.
Moos čuosâttâhtorjuu puáhtá finniđ?
Čuosâttâhtorjuu puáhtá kevttiđ puoh koloid, moh ohjelmsiskáldâs olášutmist šaddeh. Čuosâttâhtorjuu uážžost lii alnestis kenigâsvuotâ čielgâdiđ, maid máhđulâš išeruttâ meerhâš viäruttem tááhust.
Mon ennuv toorjâ juáhhoo?
Oulu kulttuurvuáđudâs lii väridâm ohjelmuuccâm olášutmân enâmustáá 1 milj. eurod. Jyehimnáál čuosâttâhtorjuid kuleh Svenska Kulturfondenist ožžum išeruttâ ruotâkielâlii ohjelm oovdedmân já Suomâ kulttuurruttâráájust ožžum išeruttâ sämitaidâráid. Jyehi uuccâmkeerdi oles summeest juáhhoo suullân kuálmádâs.
Lii-uv ohjelmân jieijâsruttâdemvátámuš?
Ij lah. Ohjelm puáđuh pyehtih hamâšuđ máhđulii čuosâttâhtorjuu lasseen maaŋgâ sierâ ruttâdemkäldest, mutâ ohjelmucâmist ij lah vátámuš jieijâsruttâdmist.
Kii meerrid čuosâttâhtorjuu finnejeijeid?
Ucâmušâid árvuštâl Oulu kulttuurvuáđudâs nomâttum pargojuávkku. Oulu kulttuurvuáđudâs táttu ulguupiälásijn äššitobdein árvuštâllâmiše eromâšávt ruotâkielâlij já sämitaidârij ucâmušâi uásild. Torjuu finnejeijein meerrid ohjelmjođetteijee siärvushoovdâ iävtuttâsâst.
Mij lep jo finnim Oulu kulttuurvuáđudâsâst ruttâdem jieččân projektân. Pyehtip-uv mij kuittâg uuccâđ Mij lep kulttuur -čuosâttâhtorjuu?
Pyehtivetteđ uuccâđ čuosâttâhtorjuu sierâ ohjelmân, mutâ ovdâsaajeest láá occeeh, kiäh iä lah vala finnim ruttâdem Oulu kulttuurvuáđudâsâst.
Moos 2 500 – 8 000 € čuosâttâhtorjuu puáhtá uuccâđ?
2 500 – 8 000 € čuosâttâhtorjuu puáhtá uuccâđ, jis tot lii agâstâllum ohjelm pištem, kvaliteet, vijđesvuođâ, kuávlulii luávdim, uásálistei tâi almugijkoskâsii ohtsâšpargo keččâmkuávlust.
Maid meerhâš njunošhaahâ?
Jyehi uuccâmrieggest pyehtip valjiđ oovtâ tâi kyevti 20 000 € njunošhaavâ. Njunošhaavâ mittomeerrin lii ovdediđ kulttuuršoŋŋâdâhnubástus eromâš já vijđes vuovvijn. Njunošhaahâ lii tiätu čuosâttâhjuávkun tyeijejum ubâlâšvuotâ, mii oovded uásálâšvuođâ, siärvuslâšvuođâ tâi juksâmvuođâ. Ucâmušâst árvuštâlloo ohjelm siskáldâs já vijđesvuotâ koskâvuođâst jo leijee kulttuurohjelmân. Jis uusah 20 000 € njunošhaavâ, labde ucâmušân täärhib proojeektvuávám já koloárvuštâllâm.
Maid merhâšává sosiaallâš já ekologâlâš killeelvuotâ
Sosiaallávt kilelis ovdánem meerhâš ovdâmerkkân ulmui máhđulâšvuođâid vaiguttiđ jieijâs elimân já uásálâšvuotân jieijâs siärvusist sehe tom, ete puohlágán ulmuuh pyehtih uásálistiđ toimâmân polâhánnáá olgooštmist. Ekologâlâš killeelvuotâ meerhâš ovdâmerkkân tom, ete tábáhtusâi orniimist piirâs kyermejuvvoo nuuvt uccáá ko máhđulâš. Puoh Oulu2026-tábáhtusah kalgeh čuávvuđ pirâsustevlii tábáhtusornim ravvuid já čohčuv 2024 rähtimnáál torvolub saje prinsiipijd.
Puávtám-uv vuolgâttiđ maŋgâ ucâmuš?
Puávtáh kyeđđiđ ohjelmucâmân maŋgâ ucâmuš. Jyehi uuccâmrieggee ucâmušah árvuštâllojeh sierâ ohjelmuuccâm kriterijguin. Ama huámášah, ete tun koolgah meid nahciđ olášuttiđ puoh iävtuttâsâidâd. Mij movtijdittep smiettâđ jieš, mii lii tot eromâš kulttuuruáivikaavpugive siskáldâs, moin halijdah ucâluđ kulttuurohjelm uássin.
Mun vuolgâttim ucâmuš. Mii čuávuvâžžân tábáhtuvá?
Takkâ ucâmušâst! Ucâmušâst váldojeh árvuštâlmân 1.1.2025, 1.5.2025 já 1.9.2025. Ucâmušâid árvuštâl sierâ nomâttum pargojuávkku. Miärádâsah ucâmušâin puátih kyehti mánuppaje siste kieđâvušmân väldimist. Miärádâs vuolgâttuvvoo ohjelm ohtâvuođâulmuu šleđgâpoostân. Miärádâsah iä agâstâlluu.
Jis tust láá koččâmušah, vääldi ohtâvuođâ
Mij lep kulttuur -juurdâpargopáájáh
Ovtviärdásâš Oulu2026 -haahâ uárnee čohčuv 2024 Teams-pargopáájáid Mij lep kulttuur -ohjelmucâmist. Kyevtiuáság pargopáájást uážuh oonâid já torjuu jieijâd ohjelmjurduu oovdedmân sehe ravvuid ucâmuš tohâmân. Pargopáájást kieđâvuššojeh meid ohjelmij olášuttem juksâmvuotân, uásálâšvuotân já ovtviärdásâšvuotân lahtojeijee koččâmušah.
Uusâ fáárun!
