Mii leat kultuvra -prográmmaohcan
Niegut ovttastahttet – daga daid duohtan!
Prográmmaohcan lea nohkan. Ohcanáigi lei 31.8.2025.
Oulu lea Eurohpá kulturoaivegávpot jagi 2026, ja don sáhtát leahkit das oassin!
Mii leat kultuvra -prográmmaohcama goalmmát ja maŋimus jorus lei rabas 1.5.–31.8.2025. Mearrebeaivvi rádjái oaččuimet oktiibuot 1020 ohcamuša, ja dain ohccojuvvojedje čuozáhatdoarjagiid oktiibuot 5 434 000 euro ovddas. Loga lasi dieđáhusas (suomagillii)
Sáhtát ain evttohit iežat dáhpáhusa Oulu2026-prográmma oassin doarjaga haga juovlamánu 2025 rájes. Dán siiddus leat lassedieđut das, mo sáhtát ohcat mielde Oulu2026-prográmmii.
Jus dus leat gažaldagat, sádde e-poastta
Evttot iežat prográmma 1.12.2025–30.9.2026
Vaikko čuozáhatdoarjagiid ohcan nogai borgemánu loahpas, sáhtát prográmmaohcama bokte ain evttohit iežat prográmma Oulu2026-prográmma oassin doarjaga haga.
Ođđa ohcanvejolašvuohta rahpasa 1.12.2025, ja ohcamušat gieđahallojuvvojit guokte vahku gaskkaid. Jus evttohus dohkkehuvvo, ohcci beassá lasihit iežat dáhpáhusa Oulu2026-dáhpáhuskaleandarii. Diet prográmmaohcan joatkkašuvvá gitta 30.9.2026 rádjái.
Prográmmaevttohusat galget deavdit čuovvovaš eavttuid:
- Prográmma lea plánejuvvon erenomážit jahkái 2026.
- Ohcci nagoda vástidit prográmma ollašuhttimis ja dieđiheamis.
- Prográmma ollašuvvá Oulu2026-guovllus.
- Prográmma buktá iešguđetlágan olbmuid oktii, ja dan ollašuhttet prográmma ekologalaččat ceavzilis vugiin.
Ohcanskovvi devdojuvvo Rimbert-vuogádagas.
Skovvi rahpasa juovlamánus 2025.
Leatgo dus gažaldagat? Čális čujuhussii ohjelmahaku@oulu2026.eu
Dávjá jerrojuvvon gažaldagat
Vulobealde leahkki gažaldagat ja vástádusat leat ráhkaduvvon Mii leat kultuvra -prográmmaohcama várás (ohcanáigi 2.9.2024–31.8.2025).
Gii sáhttá ohcat?
Ohccin sáhttet leat searvvit, foanddat, ovttaskas olbmot, bargojoavkkut, almmolaš doaibmit ja fitnodagat (vuoittu háhpohalakeahtes doaimmaide).
Sáhttágo vuolleahkásaš evttohit prográmma dahje ohcat čuozáhatdoarjaga?
Vuolleahkásaš sáhttá gal evttohit prográmma ja ohcat čuozáhatdoarjaga, muhto oktavuohtaolmmožin ja maiddái ovddasvástideaddjin ferte nammadit badjel 18-jahkásaš olbmo.
Mot Oulu2026-kulturprográmmii ohcet mielde?
Prográmmii sáhttá ohcat mielde elektrovnnalaš Rimbert-vuogádaga bokte. Dien vuogádaga bokte sáhtát maiddái ohcat čuozáhatdoarjaga evttohuvvon prográmma ollašuhttimii.
Masa čuozáhatdoarjaga sáhttá oažžut?
Čuozáhatdoarjaga sáhttá geavahit buot goluide, mat prográmmasisdoalu buvttadeamis šaddet. Doarjaga oažžu galgá ieš váldit čielgasa as, mot vejolaš doarjja váikkuha vearuhussii.
Ollugo veahkkeruhta lea juolludan láhkai?
Oulu kulturfoanda lea várren prográmmaohcama ollašuhttimii eanemustá 1 milj. euro. Dát sisttisdoallá Svenska Kulturfondenis ožžojuvvon veahkkeruđa ruoŧagiel prográmma ollašuhttimii ja Suoma Kulturruhtarájus ožžojuvvon veahkkeruđa sámeartisttaide. Juohke ohcanjorrosa várás dien supmis lea várrejuvvon sullii goalmmádas.
Gáibiduvvogo prográmmas iešruhtadeapmi?
Ii. Prográmma sisaboađut sáhttet boahtit vejolaš čuozáhatdoarjaga lassin máŋgga ruhtadangáldus, muhto prográmmaohcamis ii leat gáibádus iešruhtadeamis.
Gii mearrida prográmmasisdoaluid válljemis ja vállje čuozáhatdoarjaga oažžuid?
Ohcamušaid árvvoštallá Oulu kulturfoanddas nammaduvvon bargojoavku. Oulu kulturfoanda bivdá olggobeallásaš áššedovdiin veahki erenomážit ruoŧagielagiid ja sámeartisttaid ohcamušaid gieđahaladettiin. Veahkkeruđa oažžuin mearrida prográmmahoavda searvvušhoavda evttohusas.
Mii leat jo ovdal ožžon Oulu kulturfoanddas ruhtadeami. Sáhttitgo mii dattetge ohcat Mii leat kultuvra -čuozáhatdoarjaga?
Sáhttibehtet gal ohcat čuozáhatdoarjaga muhtun eará prográmma várás, muhto ovdasajis leat ohccit, geat eai vel leat ožžon ruhtadeami Oulu kulturfoanddas.
Mainna ákkain 2 500 – 8 000 € sturrosaš čuozáhatdoarjaga sáhttá ohcat?
Sáhtát ohcat 2 500 – 8 000 € sturrosaš čuozáhatdoarjaga, jus dat lea ákkastallamis prográmma bistima, kvalitehta, viidodaga, oassálastiid dahje riikkaidgaskasaš ovttasbarggu vuođul.
Maid njunušfidnu mearkkaša?
Juohke ohcanjorrosis sáhttet lassin válljet ovtta dahje guovtte njunušfitnu, mat ožžot 20 000 € doarjaga. Njunušfitnu ulbmilin lea ovddidit kulturdálkkádatnuppástusa erenomáš ja viiddes ládje. Njunušfidnu lea dihto čuozáhatjovkui oaivvilduvvon ollisvuohta, mii ovddida searvevuođa, searvvušlašvuođa dahje juvssahahttivuođa. Ohcamuša árvvoštaladettiin vihkkedallat prográmma sisdoalu ja viidodaga dán rádjái válljejuvvon kulturprográmma ektui. Jus ozat 20 000 € doarjaga njunušfidnui, lasit ohcamuša čuovusin dárkilut prošeaktaplána ja golloárvvoštallama.
Maid mearkkaša sosiálalaš ja ekologalaš ceavzilvuohta?
Sosiálalaš ceavzilvuohta mearkkaša ovdamearkka dihte olbmuid vejolašvuođaid váikkuhit iežaset eallimiidda ja searvvušlašvuhtii iežaset servošiin sihke dan, ahte buotlágan olbmot sáhttet oassálastit doaimmaide olggušteamis balakeahttá. Ekologalaš ceavzilvuohta mearkkaša ovdamearkka dihte dan, ahte dáhpáhusaid lágidettiin noađuhit birrasa nu uhcán go vejolaš. Buot Oulu2026-dáhpáhusat galget čuovvut birasustitlaš dáhpáhuslágideami rávvagiid ja dorvolut saji prinsihpaid, mat ráhkaduvvojit čavčča 2024 áigge.
Oaččungo sáddet máŋgga ohcamuša?
Sáhtát sáddet máŋgga ohcamuša prográmmaohcamii. Juohke ohcanjorrosa ohcamušat árvvoštallojuvvojit sierra prográmmaohcama kriteraid vuođul. Fuomáš, ahte galgat maid nagodit ollašuhttit buot iežat evttohusaid. Mii ávžžuhit ahte smiehtat ieš, mii lea diet erenomáš kulturoaivegávpotjagi sisdoallu, mainna don háliidat ohcalit kulturprográmma oassin.
Sáddejin iežan ohcamuša. Maid čuovvovažžan dáhpáhuvvá?
Giitu ohcamušas! Mii váldit ohcamušaid árvvoštallan láhkai 1.1.2025, 1.5.2025 ja 1.9.2025. Ohcamušaid árvvoštallá sierra nammaduvvon bargojoavku. Mearrádusat bohtet guovtti mánotbaji siste das, go gieđahallan lea álgán. Mearrádus sáddejuvvo prográmma oktavuohtaolbmo šleađgapostii. Mearrádusat eai ákkastallojuvvo.