Mij leäʹp kulttuur – programmooccmõš
Niõǥǥõõzz õhttee – raaj jiõččad!
2.9.2024–31.8.2025
Oulu lij Euroop kulttuurvueiʹvvgåårad eeʹjj 2026, da ton vuäitak leeʹd vueʹss tõn!
Programmooccmõš lij puuttâm. Vuäitak võl ooʒʒõõttâd mieʹldd šõddmõškaʹlndaaʹre 17.11.2025 äʹljeeʹl. Puäʹđ vueʹssen Oulu2026 Euroopp kulttuurvueiʹvvgååradeeʹjj!
Mij leäʹp kulttuur -programmooccmõõžž kuälmad da mââimõs kõõrv leäi äävai 1.5.–31.8.2025. Mieʹrrääiʹj räjja puäʹtte õhttseʹžže 1 020 ooccmõssâd, koin occum tiʹllʼlõvvum veäʹǩǩvuõđi õhttsaž summ leäi 5 434 000 euʹrred. Looǥǥ lââʹzz teâđtõõzzâst (lääddas)
Håʹt-i veäʹǩǩtieʹǧǧ jeäʹt juõkku teänab, vuäitak veâlâinn leeʹd vueʹss kulttuurvueiʹvvgååradeeʹjj määŋg jeeʹres naalin ǩiõččlâʹsttjen da tueʹjjeeʹjjen.
Ooʒʒ mieʹldd šõddmõškaʹlndaaʹre
Vuäitak eʹtǩǩeed jiijjad šõddmõõžž šõddmõškaʹlndaaʹre da tõnnalla pueʹtted mieʹldd vueʹssen veerǥlaž kulttuurprograamm.
Ođđ ooccâmäiʹǧǧ ävvan 17.11.2025, da ooccmõõžžid ǩiõttʼtõõlât õõut vuâra määnpââʹjest. Oocci lââʹzzat primmum šõddmõõžž Oulu2026-šõddmõškaʹlndaaʹre. Ooʒʒõõttmõš šõddmõškaʹlndaaʹre lij äävai 30.9.2026 räjja.
Šõddmõõžžâst âlgg tiuddeed täid määinaid:
- Šõddmõš lij samai ekka 2026 plaanuum
- Šõddmõš lij äävai pukid (määuslaž leʹbe määuʹsteʹm)
- Oocci vaʹsttad šõddmõõžž raajjmõõžžâst da saakkummšest
- Šõddmõš lij Oulu2026-vuuʹdest
- Šõddmõõžž raajât sosiaalʼlânji da ekolooǥlânji ǩeâllʼjeeinalla
Ärvvtõõllâmkriteer
- Ärvvtõõllmõõžžâst ǩiiččeet samai šõddmõõžž oođâsvuõđ. Vuäitak ooʒʒõõttâd še juʹn tobddum šõddmõõžžin, koin leät välddam lokku mâid-ne ođđ, mâʹte ođđ ǩiiččeei, paaiʹǩid, siiskõõzzid leʹbe raajjâmnääʹll.
- Mäʹhtt šõddmõõžžâst viikkâd ooudâs kulttuuräimmõsmuttâz? Vuäitak smiõttâd, što mâid kulttuuräimmõsmuuttâs miârkkšââvv tuʹnne. Måkkam muttâz ooʒʒak tuu šõddmõõžžin?
Ooccâmlomaakk tiuʹddeet Rimbert-riâžldõõǥǥâst
Lomaakk ävvan skamm-mannust 2025.
Juuhlʼjet Euroopp kulttuurvueiʹvvgååradeeʹjj õõutsââʹjest
Ooccmõš lij äävai 2.9.2024-31.8.2025 Ooccmõš lij pâi äävai, da ooccmõõžžid vääʹldet ǩiõttʼtõõllma Oulu2026 – Euroopp kulttuurvueiʹvvgåårad kooll miʹjjid pukid.
Juuhlʼjet da prääʹzkjet kulttuurvueiʹvvgååradeeʹjj – raajât eettmõõžž õõutveäkka!
Vääʹld âânnma Oulu2026-logo!
Oulu2026-logo âânnmõš lij lååvlaž ij-kaaupšallaš âânnmõõžžâst pukid Oulu2026-vuuʹd aazzjid da tåimmjid. Še põrggâz vâjja äuʹǩǩeed Oulu2026-logo ij-kaaupšallaš õhttvuõđin, ouddmiârkkân põõrǥâs-šõddmõõžžin, neʹttseeidain, sosiaalʼlaž mediast leʹbe tåimmsââʹjines.
Hoʹhsse kuuitâǥ, što logo ij vuäǯǯ ââʹnned ǩiiddâs vueʹssen ouddaz leʹbe kääzzkõõzz (ouddmiârkkân paʹǩǩõõzzâst leʹbe ouddazkovvõõzzâst), jõs kaaupšallaš âânnmõõžžâst ij leäkku rajjum jeeʹrab suåppmõõžž.
Laadd vuäʹniǩ vuäʹppõs ij-kaaupšallaš âânnmõʹšše tääiǥ (lääddas).
Vuäitak vuässõõttâd määŋg jeeʹres naaʹlin še:
Iʹlmmtõõđ pääʹlǩteʹmes tuâjjliʹžžen
Tobdstõõđ šõddmõškaʹlndaaʹre da kaaun õhttsažtuâjjvuäittmõõžžid
Täujja kõččum kõõččmõõžž
Ouddâl ko alttääk ooccmõõžž teâuddjummuž, tobdstõõđ täid kõõččmõõžžid da vaʹstõõzzid. Vuäǯǯak seämmast šiõǥǥ viiŋkid, kooivuiʹm vuäitak jåʹttlâʹtted ooccmõõžž teâuddjummuž.
Ǩii vuäitt ooccâd?
Ooccjen vuäiʹtte leeʹd õhttõõzz, foond, privatpersoon, tuâjj-joouk, õlmmlaž tåimmai da põrggâz (vuäittmõõžž ooccǩâni tåimmʼmõʹšše).
Vuäitt-a vueʹllâkksaž ehdted prograamm leʹbe ooccâd tillʼlõvvum veäʹǩǩtieʹǧǧ?
Programmehdtõõzz da tillʼlõvvum veäʹǩǩtieʹǩǩooccmõõžž vuäitt tueʹjjeed vueʹllâkksaž, leâša õhttvuõttoummšen da seämmast še tåimmʼmõõžž vasttõsoummšen âlgg nõõmted tiuddâkksâž oummu.
Mäʹhtt Oulu2026-kulttuurprograʹmme ooʒʒât mieʹldd?
Prograʹmme ooʒʒât mieʹldd liâđǥlaž Rimbert-riâžldõõǥǥ pääiʹǩ. Vuäitak ooccâd riâžldõõǥǥ pääiʹǩ še tillʼlõvvum veäʹǩǩvuõđ tuu eʹtǩǩääm prograam raajjmõʹšše.
Koozz tillʼlõvvum veäʹǩǩtieʹǧǧ vuäitt vuäǯǯad?
Tillʼlõvvum veäʹǩǩtieʹǧǧ vuäitt ââʹnned pukid koolaid, kook šâʹdde programmsiiskõõzz čõõđtummšest. Tillʼlõvvum veäʹǩǩtieʹǧǧ vuäǯǯai lij jiõčč õõlǥtem seʹlvvted, mâid vueiʹtlvaž veäʹǩǩvuõtt miârkkšââvv piiđtummuž ǩiõččâmvueʹjjest.
Mõõn jiânnai veäʹǩǩteäʹǧǧ lij jueʹǩǩemnalla?
Oulu kulttuurfondd lij vaʹrrjam programmooccmõõžž čõõđtummša jäänmõsân 1 miljoon euʹrred. Jueʹǩǩemnalla åårrai tillʼlõvvum veäʹǩǩtieʹǧǧin kooll še Svenska Kulturfoondâst vuåǯǯum veäʹǩǩvuõtt ruõccǩiõllsaž prograamm ooudummša da Lääʹddjânnam kulttuurfoondâst vuåǯǯum veäʹǩǩvuõtt sääʹmartiistid. Juõʹǩǩ ooccâmvuâra obb suummâst jueʹjjet nuʹt kuälmõs.
Lij-a prograʹmme jiõččteäggtummušõõlǥtõs?
Ij leäkku. Prograamm puåtti vuäiʹtte šõddâd vueiʹtlvaž tillʼlõvvum veäʹǩǩtieʹǧǧ lââʹssen määŋg jeeʹres teäggtõskaʹlddjin, leâša programmooccmõõžžâst ij leäkku õõlǥtummuš jiõččteäggtummšest.
Ǩii meäʹrred tillʼlõvvum veäʹǩǩtieʹǧǧ vuäǯǯjid?
Tillʼlõvvum veäʹǩǩteäʹǧǧooccmõõžžid ärvvtââll Oulu kulttuurfoond nõõmtum tuâjj-joukk. Oulu kulttuurfondd räukk åålǥbeällsaž äʹšštobddjin ärvvtõõllâmvieʹǩǩ jeäʹrben ruõccǩiõllsaž da sääʹmartiisti vueʹssen. Veäʹǩǩvuõđ vuäǯǯjin mieʹrrad programmjååʹđteei õutstõsjååʹđteei eʹtǩǩõõzzâst.
Leäʹp juʹn vuäǯǯam Oulu kulttuurfoondâst teäggtõõzz mij projektta. Vueiʹttep-a mij kuuitâǥ ooccâd Mij leäʹp kulttuur -tillʼlõvvum veäʹǩǩtieʹǧǧ?
Vuäittveʹted ooccâd tillʼlõvvum veäʹǩǩtieʹǧǧ jeeʹres prograʹmme, leâša ouddsââʹjest lie occi, kook jie leäkku võl vuäǯǯam teäggtõõzz Oulu kulttuurfoondâst.
Koozz 2 500 – 8 000 € tillʼlõvvum veäʹǩǩtieʹǧǧ vuäitt ooccâd?
Jõs prograamm pešttmõš lij kuuʹǩǩab, tõʹst lie jäänab čuäjtõõzz leʹbe ǩiiččeeijoouk leʹbe čõõđtummšest lij mieʹldd nâânas meeraikõskksaž õhttsažtuâjj, tillʼlõvvum veäʹǩǩtieʹǧǧ vuäitt ooccâd pâi 8 000 € räjja.
Mâiʹd miârkšââvv njoonâšhaʹŋǩǩõš?
Njoonašhaʹŋǩǩõõzz täävtõssân lij oouʹdeed kulttuuräimmõsmuttâz spesiaalʼlânji da veiddsânji. Njoonašhaʹŋǩǩõs lij mieʹrruum spesiaaljouʹǩǩe rajjum obbvuõtt, kååʹtt oouʹdad vuässadvuõđ, õhttsallašvuõđ leʹbe vuällamvuõđ. Ooccmõõžžâst ärvvtõõlât prograamm siiskõõzz da veiddsažvuõđ kõskkvuõđâst juʹn leäʹmmen leʹddi kulttuurprograʹmme. Jõs ooʒʒak 20 000€ njoonašhaʹŋǩǩõõzz, piij ooccmõʹšše meâlddõssân tääʹrǩab projeʹkttplaan da teäʹǧǧââʹnnemarvvlõõzz.
Mâiʹd miârkšââvv sosiaalʼlaž da ekolooglaž ǩeâllʼjemvuõtt?
Sosiaalʼlânji ǩeâllʼjeei ouddnummuš miârkkšââvv ouddmiârkkân oummui vueiʹttemvuõđid vaikkted jiiʹjjes jieʹllma da vuässadvuõʹtte sij õõutstõõzzin da tõn, što juõʹǩǩnallšem oummu vuäiʹtte vuässõõttâd tåimmʼmõʹšše nuʹtt, što ij taarbâž põõllâd čårstummšest. Ekolooglaž ǩeâllʼjemvuõđin miârkkšõõvât ouddmiârkkân tõn, što šõddmõõžži rââjjmõõžžâst kuârmtet pirrõõzz nuʹtt occanj ko vuäitt. Puk Oulu2026-šõddmõõžž âʹlǧǧe jääʹǩǩted pirrõsciʹsttjeei šõddmõšriâžžmõõzz vuäʹpstummšid da čahčča 2024 raajjâmnalla åårrai staani šââʹj prinsiipid.
Vuäitam-a vuõltteed määŋg ooccmõõžž?
Vuäitak kueʹđđed määŋg ooccmõõžž programmooccmõʹšše. Juõʹǩǩ ooccmõõžžvuâr ooccmõõžžid ärvvtõõlât jeeʹrab programmooccmõõžž kriteeʹrivuiʹm. Vääldak-veʹt lokku, što tuʹst feʹrttai viikkâd čõõđ puk tuu eʹtǩǩõõzzid še. Smeʹllkâʹttep smiõttâd jiõčč, mii lij tõt spesiaal kulttuurvueiʹvvgååradeeʹjj siiskõs, koin haaʹlääk ooccõõttâd vueʹssen kulttuurprograamm.
Leäm vuõlttääm muu ooccmõõžž. Mii šâdd seuʹrrjeeʹjen?
Späʹsseb tuu ooccmõõzzâst! Ooccmõõžžid vääʹldet ärvvtõõllâm vuâlla 1.1.2025, 1.5.2025 da 1.9.2025. Ooccmõõžžid ärvvtââll jeäʹrben nõõmtum tuâjj-joukk. Tuʹmmstõõǥǥid ooccmõõžžin puäʹtte kueiʹt määnpââʹj seʹst tõʹst ko ǩiõttʼtõõllmõš aaʹlji. Tuʹmmstõõǥǥ vuõltteet prograamm õhttvuõttoummu neʹttpååšta. Tuʹmmstõõǥǥid jeät vuâđđuku.
Jõs tuʹst lie kõõččmõõžž, vääʹld õhttvuõđ
Mij leäʹp kulttuur -ideatuâjjpääʹj
Õõutverddsaž Oulu2026 -haʹŋǩǩõs reäšš čâhčča 2024 Teams-tuâjjpaaʹjid Mij leäʹp kulttuur -programmooccmõõžžâst. Tuâjjpääʹj kueiʹtest vueʹzzest vuäǯǯak viiŋkid da tuärj tuu programmjurddi oouʹdummša da vuäʹppõõzzid ooccmõõžž raajjmõʹšše. Tuâjjpääʹjest ǩiõttʼtõõlât prograammi čõõđtummuž vuälladvuõʹtte, vuässadvuõʹtte da õõutverddsažvuõʹtte õhtteei kõõččmõõžžid še.
Ooʒʒ mielʹdd!
