Mij leäʹp kulttuur - programmooccmõš
Niõǥǥõõzz õhttee – raaj jiõččad!
2.9.2024–31.8.2025
Kulttuur lij juõʹǩǩåʹrnn jieʹllmest – ååʹn vuäitak uʹvdded tuu kreevsõsvuõđ rämman pukid. Haaʹleep, što Euroop kulttuurvueiʹvvgåårad kuâsttai aassji aarǥâst da juuʹhlest. Eʹtǩǩed jiõččad prograam vueʹssen veerǥlaž kulttuurprograam. Vuäitak ooccâd še tillʼlõvvum veäʹǩǩvuõđ prograamm raajjmõʹšše. Jueʹǩǩep veäʹǩǩtieʹǧǧid määŋghämmsaž kulttuurtuâjaid, kook šâʹdde vueʹssen juʹhlleeʹjj prograamm Oulu2026-vuuʹdest. Täävtõssân lij lââʹzzted kulttuurprograam määŋghämmsažvuõđ nuʹtt tueʹjjeʹji, siiskõõzzi ǥo šõddmõšpaaiʹǩi ǩiõččâmvueʹjjest še.
Smeʹllkâʹttep samai tuu tueʹjjeed še tuu õõmâs ideaid – leežž tõt koođgraffitt, kartträidd, uuʹlectanssšõddmõš, aaut tuuniŋ, pâiliikkeei, čeäppõstuâjjpääʹjj leʹbe mii täättas. Eeʹjj 2026 kõõskâst lij kulttuurprogramm, koʹst kulttuur fiʹttõõzz ǩiõččât veiddsânji. Veäʹǩǩtieʹǧǧ vuäǯǯa ooccâd puk kulttuur tueʹjjeei, organisaatioin õhttjõõzzid.
Čuäʹjtep õõutsââʹjest, što kulttuur kooll pukid da juõʹǩǩsâjja. Jeäʹl luõv tuu niõǥǥõõzzin – ooʒʒ smellkânji mieʹldd!
1. Eʹtǩǩed jiõččad prograamm
Programmooccmõõžž pääiʹǩ vuäitak ehdted jiõččad prograamm vueʹssen veerǥlaž kulttuurprograamm. Teʹl programmeʹtǩǩõõzzi âlgg teâuddjed seuʹrrjeei aaʹššid:
- Programmooccmõõžž pääiʹǩ ooʒʒât samai ekka 2026 plaanuum prograamm.
- Ooʒʒi vuäitt vaʹstteed prograamm čõõđtummšest da saakkummšest.
- Ǩiiččeeid plaanuum programmsiiskâz šâdd eeʹjj 2026.
- Programm šâdd Oulu2026-vuuʹdest.
- Ooʒʒi čõnnââtt čõõđted prograamm sosiaalʼlânji da ekolooglânji ǩeâllʼjeei nalla.
Ooccâmlomaakk teâuddjem vääras ooccjest feʹrttai ǩeeʹrjtõõttâd sizz Rimbert-riâžldõʹǩǩe. Sizz ǩeeʹrjtõõttmõõžž õhttvuõđâst ooccjest feʹrttai vaʹlljeed suu tuâǥǥasorganisaatio. Vaajtõsmääin lie privatperson, tuâjj-joukk leʹbe organisaatio (õhttõs, fondd, õlmmlaž tåimmai, põõrǥâs).
2. Vuäitak ooccâd tillʼlõvvum veäʹǩǩtieʹǧǧ
Mij leäʹp kulttuur -programmooccmõõžž pääiʹǩ lij ooccâmnalla tillʼlõvvum veäʹǩǩteäʹǧǧ.
Ooccjen vuäiʹtte leeʹd õhttõõzz, foond, privatpersoon, tuâjj-joouk, õlmmlaž tåimmai da põrggâz.
Tillʼlõvvum veäʹǩǩtieʹǧǧ šorradvuõtt lij 500 €, 1000 €, 1500 € da 2000 €. Veiddsab programmsiiskõʹsse vuäitt vuäǯǯad jäänmõsân 8000 € tillʼlõvvum veäʹǩǩtieʹǧǧ. Lââʹssen vueiʹtet vaʹlljeed juõʹǩǩ ooccâmvuâra õõut leʹbe kueʹhtt 20 000 € šooraž njoonašhaʹŋǩǩõõzz.
Tillʼlõvvum veäʹǩǩteäʹǧǧooccmõõžžâst ärvvtõõlât pueʹtti aaʹššid:
- Mii lij prograamm siiskâz da teemm?
- Mii lij prograamm oođâsärvv?
- Mäʹhtt programm ooudad vuässadvuõđ da õhttsallašvuõđ?
- Mäʹhtt prograammâst leät välddam lokku vuällamvuõđ?
- Mäʹhtt prograammâst saakkeet ǩiiččeejid?
- Mii lij prograamm euroopplaž vuälvuõtt?
Oocci ååcc tillʼlõvvum veäʹǩǩtieʹǧǧ Rimbert-riâžldooǥǥ pääiʹǩ. Seämma riâzldõõǥǥ pääiʹǩ oocci vuäǯǯ tuʹmmstõõǥǥ veäʹǩǩtieʹǧǧest. Jõs tillʼlõvvum veäʹǩǩvuõđ miõđât, tuʹmmstõõǥǥ meâlddõssân puäʹtte vuäʹppõõzz veäʹǩǩvuõđ âânnmõõžžâst. Ouddsââʹjest lie ooʒʒi, kook jie leäkku võl vuäǯǯam tuärjjõõzz Oulu kulttuurfoondâst.
Tillʼlõvvum veäʹǩǩtieʹǧǧ vuäitt ââʹnned pukid koolaid, kook šâʹdde programmsiiskâz čõõđtummšest. Oocci raportâstt tillʼlõvvum veäʹǩǩtieʹǧǧ âânnmõõžžâst kueiʹt (2) määnpââʹj ääiʹj dõʹst, ko mââimõs veäʹǩǩtieʹǧǧin čõõđtum siiskâz poott.
Äiʹǧǧtaull
Ooccmõš lij äävai 2.9.2024-31.8.2025 Ooccmõš lij pâi äävai, da ooccmõõžžid vääʹldet ǩiõttʼtõõllma 4 määnpââʹj kõõskin.
- 9.-31.12.2024 puättam ooccmõõžžid ǩiõttʼtõõlât ođđeeʹjj-täʹlvvmään 2025 ääiʹj.
- 1.-30.4.2025 puättam ooccmõõžžid ǩiõttʼtõõlât vueʹss-ǩieʹssmään 2025 ääiʹj.
- 5.-31.8.2025 puättam ooccmõõžžid ǩiõttʼtõõlât čõhčč-kålggmään 2025 ääiʹj.
Ǩiõllvaalljstõk
Ooccâmvuäʹppõõzz lie vuäǯǯamnalla lääddas, čiõlgglääddas, eŋgglõsǩiõʹlle, ruõccǩiõʹlle, tâʹvvsääʹmǩiõʹlle, aanrõšǩiõʹlle, nuõrttsääʹmǩiõʹlle da sieʹvvemǩiõʹlle.
Ooccâmlomaakk vuäitt tiuddeed lääddas, eŋgglõsǩiõʹlle, ruõccǩiõʹlle, tâʹvvsääʹmǩiõʹlle, aanrõšǩiõʹlle da nuõrttsääʹmǩiõʹlle.
Õhttvuõđâânnmõš Oulu kulttuurfoondin šâdd lääddas, eŋgglõsǩiõʹlle ruõccǩiõʹlle da tâʹvvsäämas.
Peeiʹvtep lääʹdd- da eŋgglõsǩiõllsaž seeidaid ǩeeʹjjmieʹldd ooccâmääiʹj. Tääʹrǩest ääiʹjpoddsaž teâđaid täin seeidain.
Täujja kõččum kõõččmõõžž
Ouddâl ko alttääk ooccmõõžž teâuddjummuž, tobdstõõđ täid kõõččmõõžžid da vaʹstõõzzid. Vuäǯǯak seämmast šiõǥǥ viiŋkid, kooivuiʹm vuäitak jåʹttlâʹtted ooccmõõžž teâuddjummuž.
Ǩii vuäitt ooccâd?
Ooccjen vuäiʹtte leeʹd õhttõõzz, foond, privatpersoon, tuâjj-joouk, õlmmlaž tåimmai da põrggâz (vuäittmõõžž ooccǩâni tåimmʼmõʹšše).
Vuäitt-a vueʹllâkksaž ehdted prograamm leʹbe ooccâd tillʼlõvvum veäʹǩǩtieʹǧǧ?
Programmehdtõõzz da tillʼlõvvum veäʹǩǩtieʹǩǩooccmõõžž vuäitt tueʹjjeed vueʹllâkksaž, leâša õhttvuõttoummšen da seämmast še tåimmʼmõõžž vasttõsoummšen âlgg nõõmted tiuddâkksâž oummu.
Mäʹhtt Oulu2026-kulttuurprograʹmme ooʒʒât mieʹldd?
Prograʹmme ooʒʒât mieʹldd liâđǥlaž Rimbert-riâžldõõǥǥ pääiʹǩ. Vuäitak ooccâd riâžldõõǥǥ pääiʹǩ še tillʼlõvvum veäʹǩǩvuõđ tuu eʹtǩǩääm prograam raajjmõʹšše.
Koozz tillʼlõvvum veäʹǩǩtieʹǧǧ vuäitt vuäǯǯad?
Tillʼlõvvum veäʹǩǩtieʹǧǧ vuäitt ââʹnned pukid koolaid, kook šâʹdde programmsiiskõõzz čõõđtummšest. Tillʼlõvvum veäʹǩǩtieʹǧǧ vuäǯǯai lij jiõčč õõlǥtem seʹlvvted, mâid vueiʹtlvaž veäʹǩǩvuõtt miârkkšââvv piiđtummuž ǩiõččâmvueʹjjest.
Mõõn jiânnai veäʹǩǩteäʹǧǧ lij jueʹǩǩemnalla?
Oulu kulttuurfondd lij vaʹrrjam programmooccmõõžž čõõđtummša jäänmõsân 1 miljoon euʹrred. Jueʹǩǩemnalla åårrai tillʼlõvvum veäʹǩǩtieʹǧǧin kooll še Svenska Kulturfoondâst vuåǯǯum veäʹǩǩvuõtt ruõccǩiõllsaž prograamm ooudummša da Lääʹddjânnam kulttuurfoondâst vuåǯǯum veäʹǩǩvuõtt sääʹmartiistid. Juõʹǩǩ ooccâmvuâra obb suummâst jueʹjjet nuʹt kuälmõs.
Lij-a prograʹmme jiõččteäggtummušõõlǥtõs?
Ij leäkku. Prograamm puåtti vuäiʹtte šõddâd vueiʹtlvaž tillʼlõvvum veäʹǩǩtieʹǧǧ lââʹssen määŋg jeeʹres teäggtõskaʹlddjin, leâša programmooccmõõžžâst ij leäkku õõlǥtummuš jiõččteäggtummšest.
Ǩii meäʹrred tillʼlõvvum veäʹǩǩtieʹǧǧ vuäǯǯjid?
Tillʼlõvvum veäʹǩǩteäʹǧǧooccmõõžžid ärvvtââll Oulu kulttuurfoond nõõmtum tuâjj-joukk. Oulu kulttuurfondd räukk åålǥbeällsaž äʹšštobddjin ärvvtõõllâmvieʹǩǩ jeäʹrben ruõccǩiõllsaž da sääʹmartiisti vueʹssen. Veäʹǩǩvuõđ vuäǯǯjin mieʹrrad programmjååʹđteei õutstõsjååʹđteei eʹtǩǩõõzzâst.
Leäʹp juʹn vuäǯǯam Oulu kulttuurfoondâst teäggtõõzz mij projektta. Vueiʹttep-a mij kuuitâǥ ooccâd Mij leäʹp kulttuur -tillʼlõvvum veäʹǩǩtieʹǧǧ?
Vuäittveʹted ooccâd tillʼlõvvum veäʹǩǩtieʹǧǧ jeeʹres prograʹmme, leâša ouddsââʹjest lie occi, kook jie leäkku võl vuäǯǯam teäggtõõzz Oulu kulttuurfoondâst.
Koozz 2 500 – 8 000 € tillʼlõvvum veäʹǩǩtieʹǧǧ vuäitt ooccâd?
Jõs prograamm pešttmõš lij kuuʹǩǩab, tõʹst lie jäänab čuäjtõõzz leʹbe ǩiiččeeijoouk leʹbe čõõđtummšest lij mieʹldd nâânas meeraikõskksaž õhttsažtuâjj, tillʼlõvvum veäʹǩǩtieʹǧǧ vuäitt ooccâd pâi 8 000 € räjja.
Mâiʹd miârkšââvv njoonâšhaʹŋǩǩõš?
Njoonašhaʹŋǩǩõõzz täävtõssân lij oouʹdeed kulttuuräimmõsmuttâz spesiaalʼlânji da veiddsânji. Njoonašhaʹŋǩǩõs lij mieʹrruum spesiaaljouʹǩǩe rajjum obbvuõtt, kååʹtt oouʹdad vuässadvuõđ, õhttsallašvuõđ leʹbe vuällamvuõđ. Ooccmõõžžâst ärvvtõõlât prograamm siiskõõzz da veiddsažvuõđ kõskkvuõđâst juʹn leäʹmmen leʹddi kulttuurprograʹmme. Jõs ooʒʒak 20 000€ njoonašhaʹŋǩǩõõzz, piij ooccmõʹšše meâlddõssân tääʹrǩab projeʹkttplaan da teäʹǧǧââʹnnemarvvlõõzz.
Mâiʹd miârkšââvv sosiaalʼlaž da ekolooglaž ǩeâllʼjemvuõtt?
Sosiaalʼlânji ǩeâllʼjeei ouddnummuš miârkkšââvv ouddmiârkkân oummui vueiʹttemvuõđid vaikkted jiiʹjjes jieʹllma da vuässadvuõʹtte sij õõutstõõzzin da tõn, što juõʹǩǩnallšem oummu vuäiʹtte vuässõõttâd tåimmʼmõʹšše nuʹtt, što ij taarbâž põõllâd čårstummšest. Ekolooglaž ǩeâllʼjemvuõđin miârkkšõõvât ouddmiârkkân tõn, što šõddmõõžži rââjjmõõžžâst kuârmtet pirrõõzz nuʹtt occanj ko vuäitt. Puk Oulu2026-šõddmõõžž âʹlǧǧe jääʹǩǩted pirrõsciʹsttjeei šõddmõšriâžžmõõzz vuäʹpstummšid da čahčča 2024 raajjâmnalla åårrai staani šââʹj prinsiipid.
Vuäitam-a vuõltteed määŋg ooccmõõžž?
Vuäitak kueʹđđed määŋg ooccmõõžž programmooccmõʹšše. Juõʹǩǩ ooccmõõžžvuâr ooccmõõžžid ärvvtõõlât jeeʹrab programmooccmõõžž kriteeʹrivuiʹm. Vääldak-veʹt lokku, što tuʹst feʹrttai viikkâd čõõđ puk tuu eʹtǩǩõõzzid še. Smeʹllkâʹttep smiõttâd jiõčč, mii lij tõt spesiaal kulttuurvueiʹvvgååradeeʹjj siiskõs, koin haaʹlääk ooccõõttâd vueʹssen kulttuurprograamm.
Leäm vuõlttääm muu ooccmõõžž. Mii šâdd seuʹrrjeeʹjen?
Späʹsseb tuu ooccmõõzzâst! Ooccmõõžžid vääʹldet ärvvtõõllâm vuâlla 1.1.2025, 1.5.2025 da 1.9.2025. Ooccmõõžžid ärvvtââll jeäʹrben nõõmtum tuâjj-joukk. Tuʹmmstõõǥǥid ooccmõõžžin puäʹtte kueiʹt määnpââʹj seʹst tõʹst ko ǩiõttʼtõõllmõš aaʹlji. Tuʹmmstõõǥǥ vuõltteet prograamm õhttvuõttoummu neʹttpååšta. Tuʹmmstõõǥǥid jeät vuâđđuku.
Jõs tuʹst lie kõõččmõõžž, vääʹld õhttvuõđ:
Mij leäʹp kulttuur -ideatuâjjpääʹj
Õõutverddsaž Oulu2026 -haʹŋǩǩõs reäšš čâhčča 2024 Teams-tuâjjpaaʹjid Mij leäʹp kulttuur -programmooccmõõžžâst. Tuâjjpääʹj kueiʹtest vueʹzzest vuäǯǯak viiŋkid da tuärj tuu programmjurddi oouʹdummša da vuäʹppõõzzid ooccmõõžž raajjmõʹšše. Tuâjjpääʹjest ǩiõttʼtõõlât prograammi čõõđtummuž vuälladvuõʹtte, vuässadvuõʹtte da õõutverddsažvuõʹtte õhtteei kõõččmõõžžid še.
Ooʒʒ mielʹdd!
