Mij lep kulttuur -ohjelmuuccâm
Niävduseh ovtâstiteh – toovâ taid tuottân!
Uuccâm lii áávus 2.9.2024–31.8.2025.
Kulttuur lii elimist jyehi saajeest – tääl puávtáh leŋgiđ jieijâd utkáávuođâ puohâi illoon. Mij halijdep, ete Euroop kulttuuruáivikaavpugihe uáinoo ässei aargâst já juhleest. Mij jyehip torjuid maaŋgâmuáđusáid kulttuurtavvoid, moh olášuveh juhleive ohjelm uássin Oulu2026-kuávlust. Puávtáh meiddei iävtuttiđ jieijâd ohjelm virgálii kulttuurohjelm uássin. Mittomeerrin lii lasettiđ kulttuurohjelm tahhei, siskáldâsâi sehe tábáhtussoojij maaŋgâmuáđusâšvuođâ.
Mij movtijdittep eidu tuu olášuttiđ vildáámuid jurduidâd – ležeh toh te kođđeemgraffiti, ráiđukove, kátutanssâtábáhtus, auto tuunam, oohtânmaanoostlihâdeijee, taaiđâpargopáájá tâi mii ihánis. Mii toimâm váimusist lii kulttuurohjelm, mast kulttuur tuávádâh äddejuvvoo vijđáht. Išeruuđâ pyehtih uuccâđ puoh kulttuur tahheeh, organisaatioin kidâ ovtâskâs ulmui räi.
Čaittup oovtâst, ete kulttuur kulá puohháid já jyehi sajan. Ele luovâ niävdusijnâd – uusâ ruokkâdávt mield!
1. Iävtut jieijâd ohjelm
Puávtáh iävtuttiđ jieijâd ohjelm virgálii kulttuurohjelm uássin ohjelmuuccâm peht. Talle ohjelmiävtuttâsah kalgeh tevdiđ čuávvoo iävtuid:
• Ohjelmuuccâm peht occoo eromâšávt ihán 2026 vuávájum ohjelm.
• Occee nähcee västidiđ ohjelm olášutmist já viestâdmist.
• Aalmugân uáivildum ohjelmsiskáldâs olášuvá ive 2026.
• Ohjelm olášuvá Oulu2026-kuávlust.
• Occee čonnâs olášuttiđ ohjelm sosiaallávt já ekologâlávt kilelis vuovvijn.
Uuccâmluámáttâh kávnoo tääbbin (Rimbert).
Uuccâmluámáttuv tevdim várás occee kalga čáládâttâđ Rimbert-vuáhádâhân. Čáládâttâm ohtâvuođâst occee kalga valjiđ jieijâs tuáváášorganisaatio. Muulsâiävtuh láá ovtâskâs olmooš, pargojuávkku tâi ornijdume (servi, vuáđudâs, almolâš tuáimee, irâttâs).
2. Puávtáh uuccâđ čuosâttâhtorjuu
Mij lep kulttuur -ohjelmuuccâm peht puáhtá uuccâđ čuosâttâhtorjuu.
Occen pyehtih leđe seervih, vuáđudâsah, ovtâskâs ulmuuh, pargojuávhuh, almolâš tuáimeeh já irâttâsah (vuáitu háputtâlhánnáá toimâmân).
Čuosâttâhtorjuu stuárudâh lii 500 €, 1 000 € já 2 000 €. Vijđásub ohjelmsiskáldâsân puáhtá finniđ enâmustáá 8 000 € čuosâttâhtorjuu. Lasseen jyehi uuccâmrieggest pyehtip valjiđ oovtâ tâi kyevti 20 000 € njunošhaavâ.
Oulu kulttuurvuáđudâs juáhá ohjelmuuccâm peht ohtsis 1 milj. eurod. Jyehimnáál čuosâttâhtorjuid kuleh Svenska Kulturfondenist finnejum išeruttâ ruotâkielâlii ohjelm olášutmân já Suomâ Kulttuurruttâráájust finnejum išeruttâ sämitaidâráid.
Čuosâttâhtoorjâucâmušâst árvuštâllojeh čuávuvááh ääših:
- Mii lii ohjelm siskáldâs já fáddá?
- Mii lii ohjelm uđâsvuođâárvu?
- Maht ohjelm oovded uásálâšvuođâ tâi siärvuslâšvuođâ?
- Maht juksâmvuotâ lii huámmášum ohjelmist?
- Maht ohjelmist viestâduvvoo čuosâttâhaalmugân?
- Mii lii ohjelm eurooplâš olleemvuotâ?
Occee ocá čuosâttâhtorjuu Rimbert-vuáháduv peht. Occee uážžu miärádâs išeruuđâst siämmáá vuáháduv peht. Jis čuosâttâhtoorjâ mieđettuvvoo, miärádâs labdosin puátih tarbâšliih ravvuuh išeruuđâ kevttimist. Ovdâsaajeest láá occeeh, kiäh iä lah vala finnim torjuu Oulu kulttuurvuáđudâsâst.
Čuosâttâhtorjuu puáhtá kevttiđ puoh koloid, moh ohjelmsiskáldâs olášutmist šaddeh. Occee raportist čuosâttâhtorjuu kevttimist kyevti (2) mánuppaje siste majemuu čuosâttâhtorjuin olášuttum siskáldâsâst.
Äigitavlu
Uuccâm lii áávus 2.9.2024–31.8.2025. Uuccâm lii jotkuuvâš, já ucâmušah váldojeh kieđâvuššâmnáál 4 mánuppaje kooskâi:
• 2.9.–31.12.2024 puáttám ucâmušah kieđâvuššojeh uđđâive-kuovâmáánu 2025 ääigi
• 1.1.–30.4.2025 puáttám ucâmušah kieđâvuššojeh vyesi-kesimáánu 2025 ääigi
• 1.5.–31.8.2025 puáttám ucâmušah kieđâvuššojeh čohčâ-roovvâdmáánu 2025 ääigi
Kielâvaljiittâs
Uuccâmravvuuh láá finniimist suomâkielân, čielgâsuomâkielân, eŋgâlâškielân, ruotâkielân, tavesämikielân, anarâškielân, nuorttâlâškielân sehe seevvimkielân.
Uuccâmluámáttuv puáhtá tevdiđ suomâkielân, eŋgâlâškielân, ruotâkielân, tavesämikielân, anarâškielân já nuorttâlâškielân. Ohtâvuođâtoollâm Oulu kulttuurvuáđudâssáin tábáhtuvá suomâkielân, eŋgâlâškielân, ruotâkielân já tavesämikielân. Mij peividep suomâ- já eŋgâlâškielâlijd siijđoid oles uuccâm ääigi. Täärhist äigikyevdilumos tiäđuid tain siijđoin.
Távjá koijâdum koččâmušah
Mij lep kulttuur -ohjelmuuccâm
2.9.2024–31.8.2025
Kii puáhtá uuccâđ?
Occen pyehtih leđe seervih, vuáđudâsah, ovtâskâs ulmuuh, pargojuávhuh, almolâš tuáimeeh já irâttâsah (vuáitu háputtâlhánnáá toimâmân).
Puáhtá-uv vyeliahasâš iävtuttiđ ohjelm tâi uuccâđ čuosâttâhtorjuu?
Ohjelmiävtuttâs já čuosâttâhtoorjâucâmuš puáhtá toohâđ vyeliahasâš, mutâ ohtâvuođâolmožin já siämmást meiddei toimâm ovdâsvástádâsolmožin kalga nomâttiđ olesahasii ulmuu.
Maht Oulu2026-kulttuurohjelmân occoo mield?
Ohjelmân occoo šleđgâlii Rimbert-vuáháduv peht. Puávtáh uuccâđ vuáháduv peht meid čuosâttâhtorjuu tuu iävtuttem ohjelm olášutmân.
Moos čuosâttâhtorjuu puáhtá finniđ?
Čuosâttâhtorjuu puáhtá kevttiđ puoh koloid, moh ohjelmsiskáldâs olášutmist šaddeh. Čuosâttâhtorjuu uážžost lii alnestis kenigâsvuotâ čielgâdiđ, maid máhđulâš išeruttâ meerhâš viäruttem tááhust.
Mon ennuv toorjâ juáhhoo?
Oulu kulttuurvuáđudâs lii väridâm ohjelmuuccâm olášutmân enâmustáá 1 milj. eurod. Jyehimnáál čuosâttâhtorjuid kuleh Svenska Kulturfondenist ožžum išeruttâ ruotâkielâlii ohjelm oovdedmân já Suomâ kulttuurruttâráájust ožžum išeruttâ sämitaidâráid. Jyehi uuccâmkeerdi oles summeest juáhhoo suullân kuálmádâs.
Lii-uv ohjelmân jieijâsruttâdemvátámuš?
Ij lah. Ohjelm puáđuh pyehtih hamâšuđ máhđulii čuosâttâhtorjuu lasseen maaŋgâ sierâ ruttâdemkäldest, mutâ ohjelmucâmist ij lah vátámuš jieijâsruttâdmist.
Kii meerrid čuosâttâhtorjuu finnejeijeid?
Ucâmušâid árvuštâl Oulu kulttuurvuáđudâs nomâttum pargojuávkku. Oulu kulttuurvuáđudâs táttu ulguupiälásijn äššitobdein árvuštâllâmiše eromâšávt ruotâkielâlij já sämitaidârij ucâmušâi uásild. Torjuu finnejeijein meerrid ohjelmjođetteijee siärvushoovdâ iävtuttâsâst.
Mij lep jo finnim Oulu kulttuurvuáđudâsâst ruttâdem jieččân projektân. Pyehtip-uv mij kuittâg uuccâđ Mij lep kulttuur -čuosâttâhtorjuu?
Pyehtivetteđ uuccâđ čuosâttâhtorjuu sierâ ohjelmân, mutâ ovdâsaajeest láá occeeh, kiäh iä lah vala finnim ruttâdem Oulu kulttuurvuáđudâsâst.
Moos 2 500 – 8 000 € čuosâttâhtorjuu puáhtá uuccâđ?
2 500 – 8 000 € čuosâttâhtorjuu puáhtá uuccâđ, jis tot lii agâstâllum ohjelm pištem, kvaliteet, vijđesvuođâ, kuávlulii luávdim, uásálistei tâi almugijkoskâsii ohtsâšpargo keččâmkuávlust.
Maid meerhâš njunošhaahâ?
Jyehi uuccâmrieggest pyehtip valjiđ oovtâ tâi kyevti 20 000 € njunošhaavâ. Njunošhaavâ mittomeerrin lii ovdediđ kulttuuršoŋŋâdâhnubástus eromâš já vijđes vuovvijn. Njunošhaahâ lii tiätu čuosâttâhjuávkun tyeijejum ubâlâšvuotâ, mii oovded uásálâšvuođâ, siärvuslâšvuođâ tâi juksâmvuođâ. Ucâmušâst árvuštâlloo ohjelm siskáldâs já vijđesvuotâ koskâvuođâst jo leijee kulttuurohjelmân. Jis uusah 20 000 € njunošhaavâ, labde ucâmušân täärhib proojeektvuávám já koloárvuštâllâm.
Maid merhâšává sosiaallâš já ekologâlâš killeelvuotâ?
Sosiaallávt kilelis ovdánem meerhâš ovdâmerkkân ulmui máhđulâšvuođâid vaiguttiđ jieijâs elimân já uásálâšvuotân jieijâs siärvusist sehe tom, ete puohlágán ulmuuh pyehtih uásálistiđ toimâmân polâhánnáá olgooštmist. Ekologâlâš killeelvuotâ meerhâš ovdâmerkkân tom, ete tábáhtusâi orniimist piirâs kyermejuvvoo nuuvt uccáá ko máhđulâš. Puoh Oulu2026-tábáhtusah kalgeh čuávvuđ pirâsustevlii tábáhtusornim ravvuid já čohčuv 2024 rähtimnáál torvolub saje prinsiipijd.
Puávtám-uv vuolgâttiđ maŋgâ ucâmuš?
Puávtáh kyeđđiđ ohjelmucâmân maŋgâ ucâmuš. Jyehi uuccâmrieggee ucâmušah árvuštâllojeh sierâ ohjelmuuccâm kriterijguin. Ama huámášah, ete tun koolgah meid nahciđ olášuttiđ puoh iävtuttâsâidâd. Mij movtijdittep smiettâđ jieš, mii lii tot eromâš kulttuuruáivikaavpugive siskáldâs, moin halijdah ucâluđ kulttuurohjelm uássin.
Mun vuolgâttim ucâmuš. Mii čuávuvâžžân tábáhtuvá?
Takkâ ucâmušâst! Ucâmušâst váldojeh árvuštâlmân 1.1.2025, 1.5.2025 já 1.9.2025. Ucâmušâid árvuštâl sierâ nomâttum pargojuávkku. Miärádâsah ucâmušâin puátih kyehti mánuppaje siste kieđâvušmân väldimist. Miärádâs vuolgâttuvvoo ohjelm ohtâvuođâulmuu šleđgâpoostân. Miärádâsah iä agâstâlluu.
Jis tust láá koččâmušah, vääldi ohtâvuođâ:
Mij lep kulttuur -juurdâpargopáájáh
Ovtviärdásâš Oulu2026 -haahâ uárnee čohčuv 2024 Teams-pargopáájáid Mij lep kulttuur -ohjelmucâmist. Kyevtiuáság pargopáájást uážuh oonâid já torjuu jieijâd ohjelmjurduu oovdedmân sehe ravvuid ucâmuš tohâmân. Pargopáájást kieđâvuššojeh meid ohjelmij olášuttem juksâmvuotân, uásálâšvuotân já ovtviärdásâšvuotân lahtojeijee koččâmušah.
Uusâ fáárun!
